Esta mañá presentamos na Facultade de Filoloxía e Tradución da Universidade de Vigo unha campaña divulgativa que vimos de organizar con esta entidade para dar visibilización á endometriose.
Esta presentación contou cunha pegada simbólica de autocolantes e cartaces informativos nos baños da facultade coa intención de chegar ao maior número de alumnas e así, aumentando o coñecemento, poder reducir os 8 anos de media no diagnóstico da endometriose cos que nos atopamos na actualidade.
Agradecemos a toda a comunidade universitaria e en especial á Unidade de Igualdade da Universidade por facer posible esta campaña, pioneira en Galicia.
