Quen somos

querENDO. Mulleres con endometriose somos unha asociación sen ánimo de lucro de mulleres afectadas pola doenza da Endometriose.

querENDO é unha asociación de ámbito galego xurdida en 2015 que persegue contribuír á axuda física, psicolóxica, e educativa de todas as mulleres afectadas de endometriose e da súas familias, independentemente  do grao ou estadio da súa doenza. Desenvolver todas as actividades socio-sanitarias que sexan necesarias para dar a coñecer a doenza, contribuíndo así a un diagnóstico precoz e evitando na medida do posible o deterioro da súa calidade de vida.

As nosas finalidades son:

APOIAR!

  • Apoiar a todas as afectadas de endometriose e aos seus familiares, residentes en toda a Comunidade Autónoma Galega ou que o foron nalgún momento, aínda que por razóns da doenza ou por outras causas se tivesen que desprazar fóra da comunidade.
  • Proporcionar información e orientación sobre a endometriose a doentes e familiares co fin de acadar un mellor coñecemento e implicación dos mesmos na mellora da súa calidade de vida.
  • Atender ás afectadas de Endometriose e aos seus familiares, de maneira individualizada, valorando e informando sobre as demandas presentadas e, cando sexa preciso, prestando asistencia nos trámites necesarios para acceder a outros recursos.
  • Promover medidas orientadas á normalización das condicións de vida das mulleres afectadas de endometriose podendo prestar servizos profesionais que sirvan para axudalas a recuperar a súa calidade de vida e mellorar o seu estado de saúde.

REIVINDICAR!

  • Promover o estudo da endometriose no terreo da investigación experimental, clínica e do seu tratamento, colaborando na detección da doenza e nos tratamentos da mesma.
  • Colaborar coas Administracións Públicas para a prevención e tratamento da endometriose, aportando suxerencias para a mellora de cantas leis e decretos, afecten ás pacientes de endometriose, tanto ás que estena en vigor como ás que proxecten promulgar.

DIFUNDIR!

  • Organizar charlas, obradoiros, coloquios, simposium, congresos ou calquera outra actividade encamiñada á divulgación da endometriose.
  • Facilitar, promover e utilizar os medios lícitos de propaganda, publicidade, información ou difusión para dar a coñecer a Asociación querENDO. Mulleres con endometriose, así como os problemas das mulleres afectadas por esta doenza e dos seus familiares.

CONECTAR!

  • Establecer relacións con outras asociacións ou fundacións de afectadas por endometriose independentemente do seu ámbito territorial de actuación ou con calquera organización ou entidade que permanentemente ou de xeito ocasional traballe en ámbitos da saúde da muller.

E así foi que fixemos unha asociación…

texto querENDO

3 Replies to “Quen somos”

  1. Hola, chamome beatriz teño 28 anos e diagnosticaronme a endometriose por unha operacion de apéndice cando tiña 21 anos. Tan só me dixeron que debería tomar ibuprofeno pra dor cando a tibese. A día de hoxe teño a endometriose visible no meu embigo por unhos vultos que sangran. Levo provado de todo pero a enfermidade podeme e día a día sintome máis débil tamén psicoloxicamente. Gustariame poñerme en contacto con vos para contar mais en profundidade a miña doenza e poder ser entendida. Gracias

Deixa una resposta a Beatriz Lopez Mendoza Cancelar a resposta

O teu enderezo electrónico non se publicará Os campos obrigatorios están marcados con *